STAP VIR STAP NA ENTREPRENEURSKAP
Om te speel of nie te speel nie.
Voel jy dalk skuldig omdat jy nie genoeg tyd en aandag aan jou kind skenk nie? Kom jy moeg van die werk af waarna die huishouding ook nog jou aandag verg? Jy voel dalk soms soos ‘n vreemdeling teenoor jou kind.
Die oplossing vind ons ondermeer in die oordeelkundige gebruik van jou tyd sodat jy ook jou kind daarby kan inpas.
Kom ek gee jou ‘n voorbeeld:-
Ek stap deur ‘n supermark. Voor my is ‘n dogtertjie met haar eie mini trollie. Ma haal produkte van die rak af en gee dit vir haar aan. Die trollie is die speelveld. Kleinding pak reg, pak oor, tel,ondersoek en woel.
‘n Ondekkingsreis voorwaar!
Wat vind hier plaas? Kognitiewe vaardighede ontwikkel, haar woordeskat verbreed en sy leer gedragspatrone deur haar interaksie met haar ma en self ander volwassenes wat in haar omgewing inkopies doen.
Jou kind geniet jou nabyheid, voel sekuur en waardeer en geniet kwaliteit tyd saam met jou.
Sy tree geleidelik ook met meer selfvertroue op en leer om ingeligte besluite te neem deur tussen die verskeidenheid produkte te kies.
Om eendag ‘n suksesvolle entrepreneur te wees, vereis al hierdie eienskappe.
Ontwikkel nou al hierdie vaardighede speel speel.
Ek ontvang graag jou kommentaar en jou storie oor hoe jy jou kind se ontwikkeling speel speel hanteer.